🎯 Master Your Trade — 圖表教學

2026年8月1日 · 講者：笨笨老師

⚖️ Wait & See 📅 1/8/2026 🎓 圖表教學 ⚠️ AI 硬件反彈轉弱

來源：老師 8/1 影片內容（承接 7/31 大盤板塊方向部署），經語音轉文字處理。本頁面保留 100% 完整內容，僅作格式整理方便閱讀。
免責聲明：本影片所有分享僅供一般市場觀察、圖表分析、教育及研究交流用途。講者並非證監會持牌人士。所有內容均不構成投資建議。

⚠️ 純屬教學目的，跟隨笨笨老師框架作分析示範。並非投資建議。

📊 核心大盤觀點 — 承接昨日：AI 硬件股轉弱

承接昨天Wait & See

「喺 Gap at Resistance 嘅情況之下，我嘅態度係一個 Wait and See 嘅態度。」

— 老師

承接昨天嗰條影片，整體冇特別修正或者立場轉變

昨天帶出幾點：首先就係科技股、AI 硬件股其實變弱咗。呢一波嘅反彈唔係市場下跌而佢哋相對強勢嘅情況，所以對於科技股，特別係 AI 硬件類型嘅嘢，存有戒心。
昨日開盤之前，NASDAQ 或者 QQQ 係 Gap up 1.2%-1.3%。開盤嘅位置係 Gap at Resistance —— 即係嗰個位置係一個 short edge，係對淡倉有利。
所以主張嘅係唔去 Go Long，唔係去做長倉，唔好貿然心急去買：第一係 Risk Reward 唔好，第二係嗰個位置唔係對 Long side 有利，反而係對 Short side 有利。
所以喺 Gap at Resistance 嘅情況之下，態度係一個 Wait and See 嘅態度。昨日最終嘅反應就係向呢個方向走。

🖥️ 板塊分析：費城半導體指數 / 存儲 DRAM 高開低走

費半 + DRAM高開低走

費城半導體指數：喺阻力位置開盤

睇費城半導體指數，昨日開盤開得幾高，但就係喺呢個 Descending Trend Line、一堆移動平均線嘅阻力嘅位置開。
理應係昨晚一個波動嘅情況，理應係要突破嘅，但係 Gap at Resistance 之後係派落嚟。

NBIS：咁好嘅背景之下都高開派貨 = 要提高警覺

雖然巨頭出咗業績，雲嘅業務有限厲害，對佢嚟講係有利；但喺一個咁有利嘅情況之下，更加重要係睇吓佢嘅表現係點。
如果喺一個咁好嘅背景之下都高開之後派落嚟嘅話，咁就真係要提高警覺。
昨日開盤嘅時候，盤前係 Gap up 10%，開盤最後 Gap up 6%，但最終嘅升幅只剩下 1% —— 代表住呢啲 AI 嘅硬件、Infrastructure、Neo Cloud，整體嘢都係一個一般嘅情況。
特別喺昨晚反彈咗、去到第二天，然後 Gap at Resistance 嘅情況下，如果你喺嗰時開盤心急買嘅話，即日嘅來回都頗大，要捱嘅幅度都幾大。

MU、SNDK 存儲類：Gap at Resistance，最終倒跌 5.9%

MU、SNDK 呢啲存儲類嘅嘢，本身都係 Gap up 幾個百分比，但係後來仲要倒跌 5.9%。
留意吓佢嘅位置，一樣都係 Gap at Resistance：即係呢個 Descending Trendline、加上前面嘅浪底跌破之後 Flip 成為 Resistance、以及移動平均線，呢啲位置對淡倉有利。
所以如果係 Aggressive 嘅 Trader，特別係 Short side 喺呢邊做嘅話，反而昨晚嘅方向係啱嘅 —— MU 開盤做，其實即日有 10% 嘅利潤，對 day trade 嚟講係非常之不俗。
所以呢個都重申嗰個立場：唔知下個星期會點，下個星期會唔會再咁樣升上去，呢個暫時一刻唔知道，但按照而家所見到嘅跡象嚟睇，呢啲嘢真係轉弱咗，真係仍然係呈弱勢。

RS 向下 + 高開低走 = 唔係領導板塊應有嘅表現

呢個 RS 係喺向下。費城半導體指數係咁樣，代表住整個板塊大多數股票，昨日都係經歷一個高開低走嘅情況。
由於高開喺 Resistance Level，所以就遇到阻力派落嚟。DRAM 存儲類嘅嘢一樣都係 Gap at Resistance Level，但最終係倒跌。
呢個唔係領導板塊應有嘅表現。結合咁多嘢嚟睇，呢個反彈似乎仍然係弱嘅反彈。

📈 指數層面：S&P / Dow 堅挺，科技股獨弱

指數 vs 科技股唔算調整

「市場唔算係調整咗好多。至少 S&P、Dow Jones 其實仍然係好堅挺。」

— 老師

科技股依然相對比較弱，但 S&P / Dow Jones 好快修復

喺指數嘅層面，科技股依然都係相對比較弱。如果睇 S&P，S&P 其實當佢跌咗呢個三角之後，其實好快就修復；Dow Jones 都係。
所以另一個論點就係：市場唔算係調整咗好多。至少 S&P、Dow Jones 其實仍然係好堅挺。
由最高嘅峰值落嚟，S&P 計算調整咗 4%，但截至昨日其實係 1% —— 算唔算調整？唔算係咩調整。
所以唔存在「去到 2026 年 3 月、又或者 2025 年嘅 4 月、又或者 2024 年嘅 8 月、又或者 2023 年嘅 11 月嗰啲市場調整之後，我哋就要進貨買嘢、可以搵啲強勢領導嘅嘢買」嗰個情景。

而家係由科技股帶動嘅跌市，拋售過後只係單純反彈

反而而家係由科技股（特別係半導體、AI 硬件）帶動嘅跌市，科技指數大部分嘅嘢弱咗，然後喺一個拋售過後，單純一個反彈。
所以短期內仍然會避免 AI 硬件嘅股票：昨晚應該升嘅情況下，S&P 其實最終係收升、收回一個相當高嘅位，Dow Jones 都係相當高位收；但係好多前領導板塊裏面嘅股票都係高開低走，唔係收升 —— AMD 係收跌，MU、SNDK 呢啲都係收跌。
重申立場：可能短期或者中期，領導板塊唔喺度、領導股票唔喺度。寧願去睇吓有冇啲新嘅板塊開始慢慢形成、慢慢冒起好過。
我哋睇吓市場會唔會之後出現更多嘅調整：但係如果市場冇乜調整、只係科技股調整嘅話，你唔需要只係去留意科技類型嘅嘢，你可以留意其他嘢。
但如果市場上冇乜領導股票、冇乜特別嘅領導板塊，長遠期嘅嘢都冇嘅話，其實市場可能都會處於一種橫向拉鋸嘅局面；又或者可能真正嘅跌幅、真正嘅跌勢係未出現，可過多一陣先會出現，因為始終而家係冇咗啲領導股票。

🏛️ 巨頭業績：Amazon / Microsoft / Google — 市場要計數

巨頭跟進計數先掂

「而家市場真係要同你計數，唔只係講故事。」

— 老師

唔係一刀切所有嘢都唔得 — 市場口味改變咗

昨日都有指出，唔係一刀切所有嘢都唔得。而家市場嘅口味係改變咗、個取態改變咗，呢個看法似乎仍然係成立 —— 源於我哋見到巨頭嘅業績。

AMZN：業績後 Buyable Gap Up，收喺高位

Amazon 昨日高開大約 8-9% 之後仲有得升，係收喺一個高位。
通常往往一啲巨頭業績之後，一個裂口高開大幅上升，甚至如果係 good close 嘅話，仲要喺底部冇幾耐、唔係一個好延伸嘅狀態，往往嗰個升勢都係傾向有延續嘅升勢。
如果用我哋教嘅 Buyable Gap Up 方法：昨日開盤後拉返嚟，TRP flip 成為 support，接近呢啲位置其實會係一個幾理想嘅進場點，即日其實都有 3%，巨頭嚟講不錯嘅喇。

MSFT：業績後 Good Close，繼續 Follow Through

Microsoft 喺業績後都係一個 good close，gap up 後仲有得升，然後昨日就繼續 follow through 多 3%。
亦都可能係因為咁，呢啲巨頭都帶動咗個 S&P 500 指數，即係都仲有升得唔錯。
GOOGL 業績後雖然一般，但似乎係修復咗，都係一個幾理想嘅情況。
所以如果排嘅話，Amazon、Microsoft 呢兩間公司業績係最好，亦都係市場而家資金最去呢啲地方。

點解？因為市場真係要同你計數，唔只係講故事

而家市場真係要同你計數，唔只係講故事：佢需要真係見到你嘅 AI 投入，真係有實在嘅變現、真係有實在嘅市場需求，而唔係單純靠 capital expenditure、單純靠投資拉動期盼盈測。
嗰啲特別針對硬件股、上游嘅公司，而家市場係唔喜歡呢件事。佢真係需要見到你嘅投資有帶來終端嘅需求、你嘅估值唔貴、你嘅財務狀況（譬如現金流）仍然保持一個好嘅狀態。
所以符合呢啲特徵嘅公司，其實都有不錯嘅升幅、業績都有不錯嘅升幅；但係唔符合嘅話，業績再好都係傾向同你派落嚟。
譬如你可以見到 VRT 呢啲、SK hynix（海力士）：業績後嘅表現都係先估咗，後面呢度就係因為嗰個市場反彈。
所以簡而言之，市場口味轉咗嘅時候，你就會見到而家有啲咩公司係做得過、交易得過 —— 我冇買賣建議，純粹解釋而家市場嘅現象。

Google 後面嘅修復係合理

Google 後面嘅修復其實都係合理：畢竟佢嘅雲業務都有一個增長，而且佢唔係單一業務，業務都相對比較廣，而呢啲公司將來都有機會將 AI 嘅投資變現。
所以後面有一個修復，再加上一啲好消息（譬如 AI 機器人嘅好消息），都對佢有一個刺激。其實你會見到市場都真係想睇到有啲真實需求嘅嘢。
我哋就向住呢個方向：可能一啲而家市場唔喜歡嘅嘢，真係有機會要經歷一段時間嘅自然調整。

📜 歷史案例：NVDA / SMCI — 爆升之後需要橫行消化

歷史案例橫向整理

📜 NVDA：升咗好多之後，需要大約 300 幾個曆日嘅橫向波動

NVIDIA 之前一直都係領導股票，但係升咗好多之後，其實佢都需要大約 300 幾個曆日嘅橫向波動。

📜 SMCI：爆升 10 倍之後，需要 163 個曆日醞釀下一波

SMCI 呢啲爆升咗唔知幾多十倍嘅股票，由 3 蚊升到上 30 蚊，升咗 10 倍，後面都需要 163 個曆日、110 多個 Trading Days 去醞釀到底再下一波。
你就睇吓而家呢啲上一輪嘅 AI 股票，其實好多都係幾倍嘅升幅，佢哋後面要經歷一啲整理、橫向嘅拉鋸，呢個都係比較合理。

保持開放態度：唔係話 AI 硬件一定陷入長期調整

但唔係話 AI 硬件股票一定會陷入一個比較長期嘅調整，我哋都要保持一個開放嘅態度：睇吓佢之後能唔能夠，譬如費城半導體指數或者 DRAM，昨晚係一個高開低走嘅派法，後面會唔會可以維持喺呢啲位置，醞釀下一輪嘅突破，都會造成更加多一啲嘅反彈。
不過你話要佢而家呢一刻創新高嘅話，就未免有啲困難。
不過喺度假如 7 月 29 號真係一個低點：佢雖然唔創新高，但依然可以喺呢啲區間裏面波動。佢喺頂位，譬如 MU 昨晚雖然有一個高開低走，但如果之後可以慢慢喺度 set up、再醞釀一個突破，上面佢可以喺呢啲區間裏面去進行 —— 呢啲就適合一啲比較短線嘅交易者。
但你就唔好預計佢短期內會有一個好強嘅爆發，可能去到上方一啲 overhead supply、一啲 resistance 嘅時候，佢就要落嚟。
所以你做短線博呢啲有延續嘅反彈：譬如下個星期你見到佢又跌唔落去、喺度震固真係醞釀一個反彈，你用一個短線嘅態度、投機嘅態度，都未嘗唔係一啲交易嘅方式。
但如果你係期待佢好似三四月嗰種單邊嘅升浪、不斷一浪高一浪破頂，我相信就相對比較難。

🎯 交易策略：休息 / 短線投機 / 嚴格止損

策略考驗耐性

「而家真係考驗耐性嘅時候。」

— 老師

唔係一刀切：但需要技巧比較高

去到某一個 resistance 嘅位置，嗰度係 short edge：就算你唔做 short，可能你都要 take profit；又或者如果你真係要做 short 嘅，可能你係等嗰啲地方。
但你亦都唔好諗住呢啲板塊而家陷入調整就真係會無限下跌，又未必係咁 —— 因為都有一定嘅實在基本面，可能去到某啲嘅位置，又會有一啲 configuration 嘅基金、又或者大戶去進場去維護。
但不能夠否認嘅就係，佢哋處於一個冇方向嘅情況：可能就係 up and down up and down，係困難嘅、需要技巧比較高，呢個你就要自行取捨，做唔做呢一類型嘅交易。

策略一：冇領導股票 / 領導 Sector 就休息

如果你見唔到有廣泛嘅領導股票、領導 Sector 嘅話，你就休息一下，用一個低風險去操作，又或者真係 Sit Out 一下，睇吓會唔會有一啲清晰嘅方向，進入 Easy Dollar Environment 你先再去交易 —— 呢個都係一種策略。

策略二：針對做頭嘅板塊做短線，但要嚴格止損

又或者你而家針對一啲已經係做頭嘅板塊、潛在做頭，你做一啲短線嘅交易，Both Long Short，但你就要用我哋教嘅技巧、嚴格嘅止損、好好嘅風險管理嚟做呢啲 —— 呢個都係一個方式，不過呢個真係相對需要嗰個技巧，亦都相對比較高。

💡 系統學習意義

而家嗰個 market 大致上，我嘅看法係咁樣：自己嗰個傾向仍然係維持一個 Wait and See mode，耐心等待一啲相對比較有把握嘅交易時機，又或者一啲絕對有把握嘅 Setup 先做，Be More Selective。而家真係考驗耐性嘅時候。

🧭 老師立場：Wait & See，提高現金，等待機會

總結保持耐性

「市場永遠獎勵有耐性嘅人。我而家嘅策略都係保持耐性，仲有係等待更好嘅機會。」

— 老師

唔知道市場跌完未 — 科技股可能只係開頭

你唔知道到底嗰個 market 跌完未：到底只係科技股調整，定係其實科技股只係一個開頭，然後後面呢啲其他嘅指數，最終其實都可能係後跌一啲？最終都可能需要一個 5-10% 範圍嘅調整。
因為過去往往好嘅市況係：科技股領導、傳統股落後一啲，升勢上面 Dow Jones 係升得差過 Nasdaq 或者 S&P。但去到一啲轉折期、又或者唔太好嘅市況，就會係成長類嘅股票、科技類型嘅股票跑輸傳統類嘅嘢 —— 亦都意味住呢個時候市場嘅風險胃納係唔高。
如果睇返 2022 年嘅熊市（我唔係話而家熊市，但對比返當時一個唔好嘅市況、一個差嘅市況）：科技股係跑輸傳統股票，Dow Jones 跌幅係冇咁多，而且抗跌能力相對比較好，科技股相對比較差。
如果之後要進入一個比較多小心、比較深少少嘅調整嘅話，唔排除而家科技股嘅積弱真係一個開頭嚟嘅啫。

所以：放鬆啲，Wait and See + 提高現金

所以我自己會放鬆一啲，一個 Wait and See 嘅狀態，提高現金嘅比重，去耐心等待機會。
機會係一定會出現嘅：我經常都數過往嗰幾年嘅機會，一年就真係數個機會，其實都已經夠你賺嘅喇。但係如果喺一啲困難嘅時期，太多頻繁嘅交易、出手得太多，反而會將你賺返嚟嘅錢交返出去，咁就有點唔值。
所以市場永遠獎勵有耐性嘅人。我而家嘅策略都係保持耐性，仲有係等待更好嘅機會。

⬆ 回到頂部